XIV. mendetik XXI. mendea arte doan epean hedadura txikiko hizkuntzetan eskuz idatziak edo inprimituak izan diren testuek espazioarekin, denborarekin, geografiarekin, eta orokorkiago beren transmisioarekin eta kultura menperatzaileekin ukan duten harremana galdezkatzea da liburu honen helburua. Azterketa andana hauen bitartez ez da exaustibitatea bilatzen, bada aldiz literatura eta hizkuntza-eremu ezberdinen markatzeko borondatea, Estatuen historia formatatuen konbentzio harroetarik haratago bidaiatzea posible izan dadin. Mugikorrak, itzulgarriak, testu horiek inguruetan diren geografietara badoaz migratuz eta ere haratago diren hizkuntza-eremuetara. Jatorriz beste hizkuntzetan idatzi testuak hedadura txikikoak, eta anitzetan ikusiezinak diren hizkuntzetara itzultzen direlarik, espeziaz kargatuak balira bezala, itxuraz aldaturik jiten dira bueltan, beren iraunkortasun hauskorra segurtatu duten promesez beterik.