DA! PRO LITERATURATIK ZINEMARA

Zein da literatura lan bat pantailan ikusteko prozesua?

Edozein literatura lan egokitu daiteke ikus-entzunezko formatura? Zein irizpide hartzen ditu aintzat ekoiztetxe batek literatura lan baten aldeko apustua egiteko? Idazleak nolako partehartzea izaten du bere lanaren egokitzapenean?

Ekoiztetxe eta zine zuzendari askok literaturan aurkitzen dute euren proiektuetarako hazia. Liburu bateko istorioa edo ipuin bat pantailan ikustea ez da ez-ohiko kontua. Asko dira filma bihurtu diren nobelak. Euskarazko literaturan ere baditugu adibideak.

Prozesu horretan, idazleak, argitaldariak, gidoilariak, zine zuzendariak eta ekoizleek parte hartzen dute besteak beste. Euskaraz jarduten duten eragileak harremanetan jarri nahi genituzke goiz bateko jardunaldian. Helburua, euskarazko literatura pantailetara egokitzeko lan ildo berezirik azokatik zabaltzeko aukerarik dagoen aztertzea da.

Horretarako, abenduaren 3an, hitzaldi laburrak eta mahaingurua antolatuko ditugu. Eta ostean, hizlari eta entzuleen arteko solasaldia eta iritzi zein esperientzia trukea izatea da helburua.
 

Hizlari honek gonbidatu ditugu:

  • Idazlea: Unai Elorriaga
  • Gidoilaria: Joanes Urkixo
  • Zine zuzendaria: Aizpea Goenaga
  • Ekoizlea: Ander Barinaga Rementeria (Irusoin eta Galapan)
  • Zinezalea eta kazetaria: Gaizka Izagirre

LEKUA eta ORDUA

Zugaza zinema (Uribarri kalea, 8. Durango)
Abenduak 3 / 12:00-14:00

Antolatzailea

GEREDIAGA ELKARTEA

Babeslea

BBK FUNDAZIOA

Laguntzaileak

TOPAGUNEA EIE EUSKAL GIDOIGILEAK HEMEN

IZENA EMAN