Esker mila!
Minhos Martins, Isabel / Irazu Garikano, Jone / Carvalho, Bernardo
Argitaletxea: Kalandraka ; Pamiela
Urtea: 2022
ISBN: 9788491722687
Bilduma: Tamaina handia
Deskripzioa
Aitak pazientzia izaten irakatsi zidan.
Amak, itxarotea ez dela beti ona.
Amona Mariagandik ikasi nuen ez daukagula «minutu bat ere galtzeko».
Baina, aitona Felipek dioenez, «deskantsua bezalakorik ez dago»…
Pazientzia izatea, diziplina baloratzea eta helduen aholkuak aintzat hartzea. Irabazten eta galtzen jakitea, talde batean integratzea, adiskidetasuna praktikatzea. Entzuten jakitea eta isiltasunaz gozatzea, erronkei aurre egitea beldurra galtzeko, zuhurra eta ekina izatea. Inguratzen gaituzten gauza eta momentuen edertasunaz jabetzea… Album ilustratu baten forman, «Esker mila!» albumak mezu bat bidali nahi die bizitzan zehar ezagutzen ditugun pertsonei, gure izaera osatzen eta gizartean zuzen jokatzen laguntzen diguten guztiei: familia, lagunak, auzoa, eskola…
Lehen pertsonan kontatua, eguneroko bizitzako egoerak deskribatzen dituzten esaldi laburren bidez, bizipen propioekin edo gertuko esperientziekin identifikaturik sentituko da irakurlea. Ilustrazioek, baikortasuna adierazten duten trazu solte eta kolore argitsuen bidez, landan eta hirian gertatzen diren eszena etxekoiak erakusten dituzte, jende mota askorekiko hartu-emanak, jolaserako eta ondo pasatzeko guneak. Haurtzaroa gainditu eta bizitza osoan iraungo duen ikasketa.
