Lehen kantuak Suedia eta Salamanca artean sortu ziren arren, 1991 urtean, Eraul herrira daramaten bideetako batean dagoen ia hamar metroko arte zaharra Monumentu Naturala izendatua izan zen. Tximista batek eragindako zauriaren ondorioz enborra erabat irekia —batzuk diotenaren arabera— eta 500 urte baino gehiago dituen zuhaitz honen adaburua alde batean duen adar etzan bakar batetik hazten da. Desoreka honek haren gorputza tenkatu eta itxura paregabea ematen dio. Duela urte batzuk, bisitari eta turistek zuhaitzari eta haren inguruari egindako erasoek atsekabetuta, lekuko autoritateek zuhaitza aurkezten zuen errotulua kentzea erabaki zuten. Sentikortasun eta gizabide ezari aurre egin eta artearen bizirautea bermatzeko topatu zuten irtenbide bakarra hura izkutatzea izan zen.