Durangoko Azokako erakusmahaietan eta aurkezpenetan aurtengo uzta musikala eskainiko dute sortzaileek. Musikazaleek euren gogoko taldeen lanak izango dituzte eskura, eta talde berrien proposamenetan arakatzeko tartea ere hartu ahalko dute. Azoka egunetara heldu aurretik, hala ere, eskaintza horren lagin bat ezagutzeko aukera izango dute, Durangoko Azokaren abesti zerrendari esker.
Bertan, lan berria dakarten talde eta bakarlarien euskara hutsezko kantu bat egongo da entzungai. Gaur aktibatu da playlista, eta momentuz 25 abestik osatzen dute; azoka hasi bitartean egunero hornitzen joango da. Durangoko Azokak eta Badok atariak elkarlanean garatu dute ekimena.
Durangoko Azokan parte hartuko duten musikarien abestiekin osatuko da zerrenda, eta badok.eus atarian bistaratuko da. Horrez gainera, webgune honetan bertan ere entzun ahalko da, eta kantu gehienak baita Spotify plataforman ere.
Abesti zerrenda hori Landako Guneko bozgorailuetatik emitituko da azoka egunetan. Beraz, Durangoko Azokaren soinu banda osatuko da aurtengo musika nobedadeekin. Bestalde, Landako Gunean nobedadeen QR panela instalatuko da, telefono mugikorrarekin zuzenean entzun ahal izateko.
Larrasoloeta, 3 48200 Durango
Tel.: 94 681 80 66
gerediaga@durangokoazoka.eus
Babesle nagusiak
Jarrai gaitzazu sare sozialetan
