Euskal sortzaileei eta programatzaileei zuzendutako egitarau berezia da honakoa.
Euskaraz jarduten duten sortzaileak eta ekitaldiak programatu behar dizaten duten kultur zein euskara teknikari, liburutegietako dinamizatzaile edota jai antolatzaileak elkar ezagutu eta elkarren berri izateko helburuarekin egituratu dugu.
Guztietan parte hartzea doakoa da, baina aurretik izena eman behar da.
Sortzaileen eta programatzaileen arteko lan saioetan aukeraketa bat egingo da, jasotzen diren proposamen guztientzako lekurik ez badago.
Aurrez aurreko bi topaketa izango dira, azaroaren 26an eta 27an.
Familia ikuskizunen aurkezpen laburrak Durangoko Bizenta Mogel bibliotekan egingo dira azaroaren 26an, goizez.
Musikarien proposamen aurkezpenak, Durangoko Plateruena Kultur Aterpean egingo dira azaroaren 27an, goizez.
Azoka amaitutakoan mezu elektroniko bidez, DA! PRO topaketan parte hartu duten sortzaileen fitxekin diseinatzen dugun eskuliburua bidaliko zaie horrela eskatzen duten programatzaileei.
DA! PRO topaketetako baten izena ematea, gogoratu DOAKOA dala, bai sortzaileentzat baita programatzaileentzat ere.
Bi epealdi egongo dira izena-emateko:
Sortzaileek urriaren 8tik 18ra bitartean eman beharko dute izena, galdetegi bidez.
Programatzaileek, azaroaren 11tik 22ra eman ahal izango dute izena, webgune honetan egun
horietan aktibatuko den galdetegia beteta.
Larrasoloeta, 3 48200 Durango
Tel.: 94 681 80 66
gerediaga@durangokoazoka.eus
Babesle nagusiak
Jarrai gaitzazu sare sozialetan
