DA! PRO FAMILIA IKUSKIZUNAK

Haur eta gazteei zuzendutako euskarazko ikuskizunei eta euren sortzaileei plazak errezteko eta euskarazko ikuskizunak programatu nahi dituztenei dauden aukeren berri emateko helburuarekin Gerediaga Elkarteak programatzaileen eta mota horretako lanen sortzaile eta profesionalen arteko topaketa egingo du bigarrenez DA! PRO ekimenaren barruan.

Ekimenaren helburuak:

Euskaraz familia ikuskizunak, ekintzak, tailerrak sortzen dutenei aukera ematea euren proiektuak Euskal Herriko programatzaileei aurkezteko.
Programatzaileek (liburutegi, areto pribatu zein publiko, jaialdi antolatzaile, udal teknikari…) aukera izatea bertatik bertara familia giroko ikuskizun, tailer, ekintzen sortzaileak ezagutu eta proposamenak jasotzeko.

Topaketaren formatua:

Aukeratutako proiektuen ordezkariek 15 minututan egingo dituzte bere proposamenen aurkezpenetarako eta gero programatzaileen galderak erantzuteko beste 5 minutu, balegoz.

Aurkezpenak euskaraz egingo dira.

Eguna eta lekua:

57. Durangoko Azokan, abenduaren 5ean, goizeko 9:00etatik 14:00etara. Durangoko Bizenta Mogel bibliotekan ( Komentukalea Kalea, 8. Durango).

Nori zuzendua:

Haien jarduera profesionala edo amateurra familia ikuskizun, tailer edota ekintzetan burutzen duten eta fakturatzeko ahalmena duten sortzaileentzat.

Aukeratzeko irizpideak:

Durangoko liburutegia, Berbaro Elkartea eta Durangoko Azokako ordezkaritzak osatutako lan batzorde batek aukeratuko ditu proiektuak. Batzordeak honako alderdi hauek izango ditu kontuan aukeraketa bat egin beharra egon ezkero.