2020an, Zu non han DA! egitasmoa hasi genuen liburu saltokiak bidelagun hartuta Durangoko Azoka Euskal Herri osora zabaltzeko. Benetan pozik gaude liburu saltokiak bidelagun ditugulako egitasmo honetan. Horri esker, azken bi urteetan, Azoka amaitu eta gabonetako kanpaina amaitu arte, Durangoko Azokako nobedadeak eskuragarri izan dira Euskal Herriko 150 liburu saltokitan.

Aurten, egitasmoari adar berri bat erantsi nahi diogu. Ahal duten eta prest dauden liburu saltokietan liburu aurkezpenak antolatu nahi ditugu, liburu saltoekientzat guztiz doan.

Noiz

Abenduaren 12tik 23ra bitartean

Nolako aurkezpenak izango dira

Euskara hutsezko liburuen aurkezpenak izango dira eta sortzaile berrienak lehenetsiko ditugu. Liburu egileak eta elkarrizketatzaile bat joango dira saltokietara aurkezpena egitera, eta Azoka arduratuko da haiei ordainsaria emateaz. Koordinazio-lana ere Azokak egingo du, saltokientzat erosoa izan dadin egitasmoan parte hartzea.

Liburu saltokiaren konpromisoa

• Egun bat eta ordu bat finkatzea egitasmoaren arduradunarekin batera.
• Saltokian aurkezpenerako lekua prestatzea
• Aurkezpena iragartzeko Azokak diseinatutako kartela erakusleihoan jartzea eta ale batzuk herrian zehar.

Egitasmo honetan parte hartzeko interesa izan ezkero, bete beheko galdetegia urriaren 31 baino lehen.

Edozein zalantzatarako idatzi zunonhanda@durangokoazoka.eus helbide elektronikora.