Durangoko Azokaren atarian, euskal kulturaren bueltan jolasteko aukera eskainiko du Egunean Behin aplikazioarekin elkarlanean sorturiko lehiaketak. Horrela, aurtengo azokaren xehetasunak jakiteko eta iraganeko gertakariak ezagutzeko tresna bat izango da. Izan ere, informazio emari handia sortzen du Durangoko Azokak: ekitaldiak, nobedadeak, gertakari historikoak... Dena den, jolasak ez du lehia sustatuko, eta partaide guztien artean zozkatuko dira sariak: nobedadez beteriko DA! poltsa bi, hain zuzen.
Parte hartu gura dutenek, aplikazioko talde berezira gehitzea beharrezkoa izango dute, DAZOKA giltza erabiliz. Egunean Behineko eguneroko galdera sorta erantzun ostean, erabiltzaile horiei Durangoko Azokaren atalean jolasteko aukera agertuko zaie. Bertan emandako erantzunek ez dute eraginik izango aplikazioaren sailkapen orokorrean, baina partaidetzak zozketan sartzea ahalbidetuko die.
Beraz, euskal kulturari zabalpena emateko tresna bat gehiago izango da azaroaren 28tik abenduaren 2ra bitartean martxan egongo dena.
Larrasoloeta, 3 48200 Durango
Tel.: 94 681 80 66
gerediaga@durangokoazoka.eus
Babesle nagusiak
Jarrai gaitzazu sare sozialetan
PUNTU MOREA
