Abenduaren 5ean Ikasleei eta irakasleei zuzendutako tailer, hitzaldi eta ikuskizunen egitaraua izango da.

Izen-emate epeak ITXITA daude, aforoak bete egin dira.

PortaDA! erronka (Lanak bidaltzeko epea amaituta)

Dena dela, azokara bitartean, euskal literatura eta musika lantzeko PortaDA! erronka antolatu dugu. Euskarazko liburuen eta euskarazko musika taldeen diskoen azalak/portadak birsortzea da erronka. Bi sari egongo dira, kategoria bakoitzeko bat; Lehen Hezkuntza eta DBH-Batxilergoa. Eta sari modura, “Musikariak Ikastetxeetan” programako saio bat eskainiko zaie aukeran ikastetxe irabazleei. 

Sormen Dinamika (IKASLE GOIZERAKO, abenduaren 5erako)

Abenduaren 5ean bertan, Ikasle Goizean, azokara gerturatzen diren guztientzat, EuskarAbenturakoekin batera, azokako sortzaileak ezagutu eta eurekin harremanetan jartzeko moduko dinamika proposatzen dizuegu. Jaitsi prestatu dugun TXOSTENA, prestatu zuen azokara bisita eta parte hartu.

Oharra: 

Azoka nahi duen guztiarentzat zabalik dago Ikasle Goizean zehar, tailerretan parte hartu zein ez. Eta azoka bisitatzea libre da. Ordutegia: 10:30-20:00.

Autobusean datozen ikastetxeentzat argibideak

Durangoko Tabira auzoan jaitsi eta hartu beharko dira ikasleak.  Auzoko San Pedro ermitatik 100 metro inguruan jaitsi ostean, autobusek igerilekua izango dute aparkatzeko lekua. 

Tabiran jaitsi eta Landako Gunera 10-15 minutuko ibilbidea dago, oinez. Bai Tabira auzoan, eta bai ibilbidean gurutzatu beharreko zebrabideetan, Durangoko Azokako boluntarioak izango dira argibideak emateko.

Argibideak (mapetan ibilbideak eta leku zehatzak markatuta) beheko bi PDF dokumentuetan dituzue eskuragarri:

• AUTOBUSAK non utzi eta jaso ikasleak / non aparkatu
• OINEZKO IBILBIDEA autobusetik Landako Gunera