Euskarazko arte eszenikoen arloan, edozein disziplinatako pieza laburrak erakutsiko dira (antzerkia, dantza, zirkoa, magia, performance, bakarrizketa…)
Lanek gutxienez 10 minutu eta gehienez 25 minutu iraungo dute.
Proposamenak teknikoki errezak izango dira, espazio berdinean hainbat proposamen ordutegi ezberdinetan uztartuko direlako. Behin parte hartuko duten taldeen beharrizan teknikoak ezagututa, denentzat baliogarria izango den oinarrizko rider bat prestatuko du aretoak. Rider hori emanaldiaren aurretik jakinaraziko zaie aukeratuei.
Konpainiek ez dute euren merkatuko katxea kobratuko, baina dieta kontzeptuan ordainsaria jasoko dute.
Proposamen guztien artean, antolakuntzak kalitate artistikoa, aurrekontu orokorra eta fitxa teknikoaz gain, egitarauko ekintzen esleipenetarako adostutako irizpideak kontuan hartuta aukeraketa egingo du.
Tokia: San Agustin Kultur Gunea
Proposamenak aurkezteko azken eguna URRIAK 7
Aurten azokaren ikerketa soziologikoa egingo du Gerediaga Elkarteak. Antolakuntzak bidaliko duen galdetegia eskatutako epeetan bete eta ikerketa burutzen laguntzeko konpromisoa hartzen duzu.
2018an Siadeco ikerketa aplikatuko enpresaren bidez Azokaren azterketa egin genuen; Txostena 2019an argitaratu zen. Orduan bezala orain, Durangoko Azoka eta bertan parte hartzen dutenak aztertu nahi ditugu Azokaren ikuspuntutik: bisitariak, argitaletxeak eta egileak. Azokako esperientzaiaz gain beren soslaia ezagutu nahi dugu, baita Azokan zein egunerokoan bizi duten egoera euskal kulturgintzaren mundu honetan.
Ikerketa galdetegien bidez egingo da. Azoka aurretik, egitarauan beren lana aurkeztuko duten egileei eskatuko diegu galdetegiak betetzeko, Azoka egunetan ehunka bisitariengana joko dugu eta , Azoka amaitutakoan, argitaletxeengana joko dugu. 2025ean emango ditugu argitara ikerketaren emaitzak.
Larrasoloeta, 3 48200 Durango
Tel.: 94 681 80 66
gerediaga@durangokoazoka.eus
Babesle nagusiak
Jarrai gaitzazu sare sozialetan
PUNTU MOREA
