Harri Herri Har
Amorante
Diskoetxea: Forbidden Colours
15 €
Urtea: 2023
Euskarria: CD
Deskripzioa
AMORANTE - HARRI HERRI HAR (Forbidden Colours 2023)
HARRI. Disko bat egitea, uretara botatzen duzun harri bat da. Sortutako uhinak hedatzen doaz desagertu arte. Harriek, etxola txikiak edota katedral erraldoiak eraikitzera eraman zaitzake. Mugiezina izan daiteke tradizioa bezala, baina norabidea markatu dezake bidearen alboan pilatzen ditugunean. Harri bat iraganaren aztarna da, eta erreka baten norabidea aldatzeko balio duen arren, urak bere bidea egiten jarraituko du.
HERRI. Herri batekoa naiz, eta ez nuke hiri bategatik aldatuko. Diska honi herri usaina dario. Nire herriaren usaia. Ez da herririk politena, baina batzutan usai goxo eta leuna hartzen diot. Gordina eta deserosoa bestetan. Ihes egiteko gonbitea luzatzen duena agian, baina etxean zaudela gogorarazten zaituena.
HAR. Doinu bat entzun eta belarrian har bat gorpuzten da. Har hau bueltaka darabilzu. Bueltaka eta bueltaka. Disko honetako abesti gehienekin sentitu dut belarriko har hau. Gainetik ezin kendu. (H)arra naiz, eta horrek askotan min ematen du.
Diskoan, kanpaiak, malenkonia, festa, animaliak eta poesia ageri dira. Zahartzaroari edota zubi baten dantzan jartzeari kantatu diot. Harkaitz Canok, errekak tristuraren sendabide bihurtu ditu. Odei Barrosok zezenaren begietatik epaitzen gaitu. Bilintxek pobrearen suertiarekin, gizartea hainbeste aldatu ez dela erakusten du. Beste hitzotan, agure bat kanpai eske, habanera bat, iraultzaren nostalgia edota jai ostean topatutako poemak agertzen dira.
Zorionez, musikari bikainak izan ditut bidelagun. Felix Buff eta Hasier Oleaga. Hatxeren pianoa. Xabier Zeberioren hariak. Los Sara Fontan bikoaren fantasia...
HARRI HERRI HAR Bilboko Mala estrata estudioan, Aitor Etxebarriaren gidaritzapean egin da.
Harri bat altxatu duzu herrira bidean zoazen bitartean. Har bat topatu duzu bertan. Auskalo noiztik eta auskalo noiz arte.
