Gizaki argiak garai ilunetan
Sudupe Martija, Jon
18€
- Argitaletxea: Euskal Herriko Unibertsitatea
- Kokapena azokan: Barrenkale 019-021
Deskripzioa
Saiakera honetan filosofiak xx. mendean izan duen ibilbide gorabeheratsua azaltzen da bere pentsalari puntakoenen eskutik. Luzea da askotariko iraultza eta aldaketen artean filosofia berrasmatzen ahalegindu ziren filosofo distiratsuen zerrenda. Hemen ageri diren hamabi egileek oso ongi irudikatzen dute garai hartako pentsamendua: Ludwig Wittgenstein, Bertrand Russell, Karl Popper, Max Horkheimer, Theodor Adorno, Walter Benjamin, Martin Heidegger, Ernst Cassirer, Hanna Arendt, Louis Althusser, Paul Sartre eta Jürgen Habermas. Bizitzea suertatu zitzaien mende lazgarriaren lekuko eta biktima errugabeak izan ziren. Oztopo guztiak gorabehera, filosofiak lanean jarraitu zuen bizitzaren eta giza duintasunaren mesedetan.
Argi-ilunez beteriko mende ezin zurrunbilotsuagoan, katastrofe politikoz, hondamendi moralez eta aurrerapen zientifikoz zein artistiko harrigarriz inguratuta bizi izan ziren. Gerra eta gatazka itzelen artean, pentsamenduaren indar askatzailearen testigantza ikaragarria da haien ibilbidea. Haien bizitzek, haien ideiek bezala, xx. mendeko gertakari apurtzaileenak islatu zituzten, modu tragikoan batzuetan. Nahasmen eta etsipen garaietan nola pentsa eta bizi litekeen erakutsi ziguten. Izaeraz, jarreraz eta pentsaeraz desberdinak izanagatik, egiaren bila ibili ziren guztiak ere. Argi izpiak dira xx. mendeko itzalen artean.
Informazio gehiago
- Urtea: 2026
- ISBN: 978-84-1319-795-1
- Bilduma: Filosofia seriea
- Euskarria: Papera
- Sailkapena: Filosofia eta erlijioa