Mikel Urretagoiena baterijole ordiziarrak bakarkako lehen lana kaleratu du 2024ko irailean. Euskal Herriko Goi Mailako Zentroan, Musikenen, ikasketak amaitu eta Holandara joan zen Jazz Bateria Masterra burutzera. Horrez gain, New Yorken bizi izan zen bost hilabetez, eta mundu mailako musikari erreferenteengandik ikasteko aukera izan zuen. Ikasketak amaitu eta Madrilen hasi zuen bere ibilbide profesionala. Estilo ezberdinetako hainbat taldeekin aritu da azken urteetan zuzenekoak jotzen eta diskoak grabatzen. Horietako batzuk izan dira TheMachetazo, Primital, Griffo, Ander García Trío, Dani Pozo 4tet eta Rachel Therrien. Bere jaioterrira itzuli da Urretagoiena, eta “Denbora” diskoak, zeina hirukote instrumental formatuan grabatu duen, lekualdaketa horrek eragin dizkion gorabeherak jaso ditu. Diskoa zortzi kantu originalek eta moldaketa batek osatzendute. Arratiako Ona Etxea estudioan grabatu da, Iñigo Ruiz de Gordejuela pianistarekin eta Dani Pozo baxu jolearekin batera. Ibilbide zabala du ordiziarrak eta disko honetan orain arte bizitako esperientzia guztiak partekatu ditu bere musika erabilita, zeina originaltasunez eta inprobisazioz beterik dagoen.