Trantsizio politikoa garai nahasia izan zen, indarkeriaz eta asalduraz betea, eta, agian, Suarezen dimisioa eta A-23ko kolpe militarra izan ziren unerik gorenak.Ziurgabetasun giro orokorrari Nafarroak ezaugarri berezi batzuk gehitu zizkion, «Nava- rra-Euskadi auzitik» eratorriak, amnistia eskaria, Foru Aldundi frankistak defendatutako foru berrintegrazio osoa, Nafarroako erakundeen demokratizazioa, legez kanpoko alderdi batzuekin egindako lehen hauteskunde orokorrak, Konstituzioan Nafarroak foru lurralde gisa zituen eskubide historikoen onarpena, Foru Parlamenturako lehen hautaketak, Del Burgo Diputazio berriko presidente kargutik kentzea edo UCD, PSOE eta UPNk Foruaren hobekuntza bultzatzea, Nafarroak foru probintzia izatetik Foru Erkidego izatera igaro zen 1982ko Lege Organikoan amaitu zena.Montejurrako heriotzetan, Amnistiaren Aldeko Astean, 1978ko sanferminetan, Gladys del Estalen heriotzan, ETA militarrak dozenaka hildakorekin egindako atentatuetan, bahiketetan, lapurretetan eta bonbetan, ultraeskuindarren erasoetan, poliziaren errepresioan, desegindako ehunka manifestazioetan, atxiloketetan, torturetan, tiroka egindako liskarretan eta abarretan islatu zen indarkeria.Liburu honetan, Javier Enerizek 1975eko udatik 1984ko amaierara bitarteko urte zorabiagarri haiek biziarazten dizkigu, eta Nafarroako trantsizioa markatu zuten eszenatoki eta gertaeretara eramaten gaitu, beste leku batzuetan bizi izan zena baino luzeagoa eta, jakina, leku askotan baino biziagoa.