Tattak bere lehen albumarekin, "Martin", debuta egin du bere ibilbidean, bere soinu propioa hartuz. Aro berri honetan adiskidetasuna, konfiantza eta maitasuna preziatzeko beldurrak eta ziurtasunik ezak gaindituz.

Disko berrian, Densok funtsezko papera betetzen du, ekoizpenaren arduradun nagusia delako eta Tattarekin batera sormen-prozesu osoan parte hartzen duelako. Abesti guztietan duten eragina nabaritu egiten da, eta abesti bakoitza egituratzeko moduan agertzen da, instrumentaziotik hasi eta azken soinu-produkziora arte.

Proiektu honek aldaketa esanguratsu bat markatzen du, izan ere, bi artistek eboluzionatu egiten dute soinu argi bat ez izatetik estilo ezberdinak esploratzen dituztenetik beren estilo eta estetika propioa modu sendoan definitzeraino. Eraldaketa ez da soilik musikara mugatzen; arlo pertsonalean ere urrats garrantzitsua da. Etxean grabatzetik estudio profesional batean lan egitera, bizitzan norabide argirik ez edukitzetik musikaren alde dena egiteko prest egotera.

Densoz gain, Maida, JayCas eta Malakias bezalako beste ekoizle batzuek ere beren sormen-ikuspegia eta artea ematen dute diskoko zenbait musika-produkziotan. Ekoizle horien eta albumeko artista nagusien arteko lankidetzak "Martin" en dauden musika-estiloen aniztasunari eta aberastasunari laguntzen dio.

Bengo, Fane, Axeri eta Emeka bezalako artistekin elkarlanean, euskal musika eszenak taldean lan egiteko eta askotariko soinuen amalgama sortzeko duen gaitasuna erakusten du. Izan ere, disko honetan Rock, Akustiko, Rap, Trap, Techno, Bachata eta Jersey-club estiloak aurki ditzakegu, besteak beste.