Liburu hau egitea pandemia garaian otu zitzaidan, musikari desberdinengandik mezu dezente jaso nituelako nire partiturak eskatuz. Nola da posible, 20 urte trikitixaren irakaskuntzan ibili ondoren, nire kantu propioen partiturak txukun idatzita ez izatea? Orain arte oso gutxitan erabili ditut nire kantuak klaseetan. Nahiago izan dut doinu herrikoiak irakatsi, edo ikasleekin miresten ditudan trikitilarien piezak landu. Musika idazten dudanean, partiturak oso era eskematikoan egiten ditut, zifratu amerikarrekin eta doinuekin, grabaketan arituko diren instrumentu guztientzat era errez eta azkar baten grabatu ahal izateko. Esku artean daukazun liburuaren helburua partitura argiak eta ñabarduraz beterikoak izatea da, edozein tresnarentzat. Ikasten duzun bitartean dibertitu zaitezen idatzi dut liburu hau. Espero dut lan honen bidez nire konpositore lana ezagutzeko aukera izatea, eta hori dagoeneko ezagutzen bazenuen, jotzeko eta ulertzeko baliagarria izatea, zeurea eginez. Gozatu!