Denok gara (gure arloko) hizkuntza irakasle : arloko alfabetatzea garatzeko oinarriak eta estrategiak

Zenbait egile

Argitaletxea: Mondragon Unibertsitatea

Kokapena azokan: Barrenkale 020

5 €

Urtea: 2025

ISBN: 978-84-09-75283-6

Euskarria: Liburua

Deskripzioa

“Denok gara hizkuntza irakasle!”, horixe askotan eta askori entzuten diogun aldarrikapena. Baieztapen horren baitan, ordea, denok ez dugu irudikatzen egiteko eta ardura bera. Ikasgai guztietan “hizkuntza” landu beharra arlo desberdinetako irakasleen eta hizkuntza irakasleen arteko tira-bira gai ere izaten da sarri askotan. Korapilo horren askatze bidean ekarpena egin nahi dugu eta proposatu arlo desberdinetan “hizkuntza irakasle” izateak zer esan nahi duen, nola lotzen den hori arlo bakoitzeko konpetentzien garapenarekin eta edukien jabetzearekin. Arloetako irakasleek arlo bakoitzeko diskurtsoak

ezagutu eta landu behar dituztela argudiatuko dugu eta ikasleen arloko alfabetatzea sustatu behar dutela. Esku artean duzun liburu honek egiteko horri ekarpena egin nahi dio eta irakasleoi zuen arloetan hizkuntza nola landu asmatzeko oinarriak

eta bitartekoak eskaintzea da gure gogoa. Liburu honetan Euskal Herrian eta nazioartean egindako ikerketak eta praktikak jasoko dira. Eskola eta unibertsitatea elkarlanean jarri dituen bi proiektutatik edan dugu bereziki lan hau egite bidean. Batetik, Arloko alfabetatzeak ikaskuntza sakona sustatzeko duen ahalmena Bigarren Hezkuntzan (ALPHA) proiektua dago. Proiektu hori Euskal Herriko Ikastolen Elkartearekin elkarlanean gauzatu da eta arloko alfabetatzean sakondu dugu, horretarako irakasleen esku-hartzea, materialaren ezaugarriak, zein ikasleen ekoizpenak ikertuz. Bestetik, Elkarhitz proiektua dago. Proiektu horretan EAEko hainbat institutu publikok parte hartu du hiru urteko prestakuntza gogoetatsu prozesu baten,

lehenengo edizioan 19 institutuk eta bigarren edizioan 5 institutuk. Proiektuaren helburua ikasgai desberdinetan elkarrekintza erdigunean jarri eta arloko alfabetatzea nola garatu daitekeen lantzea izan da. Irakasleen praktikak aztertu eta berrikusi dira horretarako.