PUNTU MOREA
Sua. Gauekoren aroaGabriela Rodriguez Brisson (lehenengo irudig.) David Castelo Barrios (idazlea) eta Unai Gonzalez Martinez (bigarren irudig.), Dracco
Liburu aurkezpena
Mariren alaba ezagutzen al duzu? Sua du izena! Mikelats eta Atarrabirekin zoriontsua bada ere, Suak bere jatorria ezagutzea desiratzen du gehien. Idoia lamia, Galder aztia eta Nahia sorginarekin batera, ziur gaude lortuko duela! Haien munduan, izaki mitologikoak eta gizakiak elkarlanean bizi dira, iraganeko gorabeherak gainditzeko asmoz. Ilargiren desagerpenak lurralde osora zabalduko du izua, bere babesik gabe, Gauekok "antzinako oreka naturala" berrezartzeari ekingo baitio… Oskarbi herrixka beregana ez dezan, Suak eta lagunek lehenbailehen aurkitu beharko dute Ilargi.
