Txerriak eta loreakJon Arretxe. Erein

Liburu aurkezpena

Toureren sagan parentesia eginez, guztiz bestelako nobela dakarkigu Jon Arretxek, umore klabean idatzia, erritmo bizikoa, ustekabez betea eta irakurlea lehen orrialdetik amaieraraino harrapatzen duena. Kokagunea hiri handi bateko lunpen auzo baztertua izan beharrean, egilea bera bizi izandako hiru herrietan garatuko da trama: Basaurin, Gasteizen eta Arbizun. Eta protagonistak jende txiro, etorkin mespretxatu edo kaleko prostituta zaurgarriak izan beharrean, bertoko jatorriko biztanle akomodatuak izango dira, zortzi abizen euskalduneko jendea, eskrupulu gutxirekin ezkutuko negozio aitorrezinetan diharduena. Arbizuko hestebete-lantegi batean gertatzen den txistor lapurreta misteriotsua da abiapuntua, eta hortik aurrera umore klabean idatzitako trama beltza dator, oso beltza, erritmo bizikoa, elkarrizketa ugarikoa. «Txistorra noir» ezohiko nobela da, laburra eta pertsonaia oso originalez hornitua: Zuriñe Ruiz de Gordoa gasteiztar mandatugile bitxia, Gabriel Abrisketa basauritar enpresari ustela, Fermin Bakaikoa arbizuar txistorgile iluna... Harridura, dibertimendua eta ustekabeak ziurtatuta daude.

Abenduak 7

19:30 - 20:00

Ahotsenea Literatura