PUNTU MOREA
Hizki-abiAlejandra Bueno
Aurkezpena
"Hizki-abi" euskararen identitatea formetan, koloreetan eta frekuentzietan bihurtzen dituen pieza generatiboa da. Izenburua abi hitzetik dator —abiapuntua, hasiera—, eta hitz bakoitza unibertso bisual autonomo baten abiapuntu bihurtzen dela adierazten du. Hitz bakoitzaren fonetika eta osaketa mapatuz, parametro bisual eta soinudunetan itzultzen dira: kolorea, mugimendua eta dentsitatea definituz. Emaitza estetika abstraktua da, glitch ukituarekin, Euskal Herriko paisaiak eta bere kromatika kulturala gogorarazten dituena. Hitz bakoitzak bere izaera eta frekuentzia dauka, euskal kulturaren funtsezko elementuak nabarmentzen dituzten bederatzi familiatan antolatuta. Pantailan, hitzak 20 segundotan agertzen dira, beren ikusgarritasuna eta soinua hedatuz. Batzuetan banaka azaltzen dira, eta beste batzuetan ausazko konbinazioetan —bikote edo hirukoteetan—, sistemak berak harmoniak hautemanez hautatzen dituenak. Publikoak formak eta koloreak ez ezik, denbora errealean bistaratzen diren barne-parametroak ere ikusten ditu, kodearen “bihotza” eta obraren eraikuntza bizia agerian utziz. https://www.alejandrabueno.es/hizkiabi.html Oharra: nabigatzailearen arabera pantailan sakatu behar da, bestela soinua blokeatzen du.
