Ezki kontu-kontariLeire Bereikua Barinagarrementeria eta Iban Gonzalez Pagaldai

Aurkezpena

Iraupena: 30 minutu.

Telesailaren aurkezpena izango da.

Ezki, iratxo bidaiaria, munduan zehar ibili da hamaika kultura eta herrialdetako kondairak zein jakituria jasotzen. Orain, baso magikora itzulita, gauero kontu kontari aritzen da sutondoan, ikasitakoa iratxokumeekin partekatuz. Antzinako kondairak entretenigarriak eta dibertigarriak izateaz gain, iratxo zein gizaki txikiei balio unibertsalak irakasten dizkie, beraien gatazkak eta kezkak gainditzeko giltza izan dezaten.

1. atala: "Eguzkilorearen kondaira" Atal honetan, Euskal Herriko kondaira bat kontatuko digu Ezkik, beldurra izatea normala dela eta laguntza eskatzeak ausarta egiten gaituela ikas dezagun.

2. atala: "Elefantea eta itsuen kondaira" Elkarri entzutearen eta ez eztabaidatzearen garrantzia erakutsi nahian, atal honetan Ezkik Indiako kondaira dibertigarri bat kontatuko digu.