Sega Sound Killers

Disko aurkezpena

Kulturaren hilerrian bizi gara azken garai ilun hauetan, baino lurzoruan beti dago zirrikituren bat. Finean, sorkuntza bihotzetik ateratzen denean, bestelako guztiak ez du garrantzirik. Eta horretan dabil Sega Sound Killers taldea. Musika abentura ezberdinetan ibilitako musikariak batu dira egitasmo honetan, non giro elektronikoetan sakontzen duten rock izaera duten kantuetan. 

Taldekideak ez dira berriak musika mundu honetan, eta ikusi dute Euskal Herriko musika eszenaren garapena, eta eboluzioa. Bai eta inboluzioa ere. Musikalki anitza da ‘Dolu’ diskoa. Hamabi kantuz osaturik dator lan berria, eta kantu bakoitza istorio bat den arren, kontakizun bat ere bada diskoa bere osotasunean. Kanta guztien artean bada hari bat non abesti guztiek baduten lotzen dituen soka bat. Hala ere, abesti bakoitzak berezko identitatea  du ere. Bizi propio bat.

Abenduak 10

18:00 - 18:30

Ahotsenea Musika – Plateruena (Ahotsenea Zuzenekoak)