Mairu

Disko aurkezpena

Eman dezagun zinez aspaldiko kondaira zahar bat. Iniziazio bidaia itxurako odisea horretan, sei protagonistak izaki mitiko baten bila abiatzen dira. Pittaka, ibilbidearen egiazko xedeaz ohartzen dira: elkarren artean fusionatu behar dute, izaki bakar bilakatzeko; hain zuzen, xerkatzen zuten hura: Mairu. Ipuin moderno hori musikaren mintzaira unibertsalean kontatzen digute. 

Txalapartaren sustraiez iragan urrunean errotua izanik ere, egungo-egungo trantzera ekarri dute, sintetizagailuak eta tratamendu modernoak behialako oihartzunekin uztartuz. Tribala, liluragarria eta harrigarria dena betan izanki, kontakizun horrek ez lezake nehor hotz utz. Proposamen sailkaezin eta ausarta.

Abenduak 11

21:30 - 22:00

Ahotsenea Musika – Plateruena