BULEGOk, hiru urteko ibilbidean Euskal Herriko erreferente bilakatu den eta euskal musikaren industrian aurrekaririk gabeko garapena izan duen taldeak, hainbeste espero zen bigarren diskoa kaleratuko du: ‘Aldatu Aurretik’. ‘Aldatu Aurretik’ Euskal Herriko urteko diskoa izateko aukera handiak dituen lan kontzeptuala da. 10 abestiz osatuta dago, pop zuzena uztartzen duena eta edukiz betea dagoena. Zea Mays, Oreka TX, Ede eta Ginestà artistekin elkarlaneaneuskara, katalana eta gaztelania biltzen ditu azken lanak. Diskoak aldaketa ardatz duen bidaia proposatzen du eta kantuz kantu gai honen inguruan hausnartzera gonbidatzen du entzulea. Tom letragilearen inspirazio iturri nagusia aitatasuna izan da, baita aldaketa horrek bere baitan loratu dituen sentimendu guztiak ere. Taldearen hitzetan, “diskoa bere bizitzan aldaketak pairatzen ari dituen edonorentzat idatzita dago, denak etengabe aldatzen ari baikara”. AURKEZPEN KONTZERTUAK 29/02 - BRUSELAS 10/03 - DONOSTIA, KURSAAL 14/03 - LISBOA 15/03 - SANTIAGO 21/03 - BAIONA 23/03 - SANTANDER 20/04 - BARCELONA 26/04 - IRUÑEA 27/04 - GASTEIZ 17/05 - MADRID, Sound Isidro

https://bulego.eus