Labayru Fundazioa euskal kultura ondarea ikertu, bultzatu eta gizarteratzeko asmoaz Bizkaian 1977an sortutako erakundea da. Helburu zabal horri erantzun guran, hainbat arlo lantzen ditu, ikerketa edo zabalkunde mailan: irakaskuntza, itzulpengintza, herri-ondarearen bilketa, euskararen erabileraren normalizazio planak, etnografia, lexikografia… Labayru Fundazioa bizkai euskara idatziaren arautzen, ikertzen eta bultzatzen erreferentziazko erakundea da. Hizkuntza zerbitzuak eskaintzen ditu, batetik: alfabetatze eta euskalduntze eskolak, itzulpenak, erabilera planak. Eta bestetik, ikerketari zuzendua dago, euskal hizkuntza, literatura, etnografia eta bibliografia ildoetan. Lanon emaitzak dira argitalpenen oinarria, honezkero 500 ale baino gehiagoko katalogoa daukala.

http://www.labayru.eus