Kriskitin Azokan dantzanDuguna Iruñeko dantzariak, Kriskitin dantza taldea, Jaizale txistulari taldea

Dantza

Aspaldiko ohiturati eutsiz Kriskitin dantza taldeak alaitasunez, kolorez eta umorez bete nahi ditu Durangoko Azoka inguruak eta Ezkurdi, abenduaren 7an, zapatuz.

Azokako egitarau ofizialean dantzek toki askorik izaten ez duten arren, dantza maite dugunok ezin huts egin Euskal Herriko kulturaren hiriburu bihurtzen den egunetan, kalean bederen, gure aletxoa jartzeari. dantza ere kultura baita.

Aurten gonbidatu bereziak ditugu gainera, Iruñetik etorriko zaizkigu Duguna taldeko 20 bat dantzari gazte, heuren musikariekin.

Kriskitin taldetik, berriz, 60 dantzaritik gora irtengo dira plazara, 3 urtekoa txikiena eta 70eko nagusiena, Jaizaleko txistulariak izango dituzte musikari, baita Nerea Zarandona soinujolea ere.

Merkatu plaza ostetik irteera kalejiran, Durangoko Azokako plazan eta Ezkurdin dantza saioak. (Euria balitz Ezkurdi Frontoian)